استكمالا لحلقة الوعي الجمعي .. عندك اكيد هدف و عايز تحققه .. فلنفرض هتفتح محل ..روحت شفت محلات ؟؟ ..عرفت نوع البضاعة ؟؟سالت مين تجار الجملة اللي هتتعامل معاهم ؟؟.. عرفت الاسعار؟؟ ..قعدت و خالطت تجار؟؟ . . حشرت نفسك وسطهم قوة كده و اقتدار ؟؟.. و مش لازم راس مالك ملايين خد حتى فكرة ..و مش لازم معاك دلوقتي راس مال من اصله ..جهز بس نفسك...و ادخل في الدايرة ..مش يمكن تعرف تقسط او تاخد بضاعة و تدفع بعد البيع او حاجات كتير بتحصل في عالم التجارة .. اثبت احقيتك و جديتك للكون انك قدها ماهو لازم كده .. امال هتشبك في طاقة هدفك ازاي طاب حاجة تانية .. بتبحثي عن الجمال .. شفتي فيديوهات عن العناية بالبشرة و الشعر ؟؟.. تابعتي الحلوين و اللي بيعجبوكي؟؟ ..شفتي الفيتامين و الاكل الصحي ؟؟.. عرفتي و دورتي على ايه اللي بيليق بيكي و الالوان اللي بتخليكي حلوة؟؟ .غيرتي لون شعرك ؟؟ غيرتي استايل لبسك .. زودتي ثقتك بنفسك؟؟ ..و الخ هي ديه طاقة الجمال اللي هتشبكي معاها هناك جميلات حسناوات و لكنهم لا يشعرون لأنهم لا يعتبروا انفسهم ينتموا للجمال .. السعي للوعي الجمعي الذي تريده داخليا و خارجيا .. تحرك .. خذ اي خطوة .. محركات البحث امامك و المواقع كثيرة .. و المعلومة جاهزة لوزة مقشرة تنتظر من يأكلها😂 (هو انا جوعت و لا ايه ) .. ا اعرف فقط ماذا تريد و في اي جهة ستنطلق .. و متاكده انك ستندفع و لن يستطيع احد ايقافك .. متأكده ان الخطوة الاولى يليها هرولة ثم قفزااااات .. لكن المهم تحرك صوب الهدف .. اعملوا بس كده و تعالوا نتكلم بعدها