تعالوا اقلولكم على خلطتي للخروج من اي حالة حزن عابرة او اي طاقة سلبية اثرت فيا من موقف او عدوى من حزين عابر مر بي 😢🤔 اولا .. هتدخل تاخد شاور مايه دافية و ياسلام لو شوية ملح صخري في اخر شطفة 🤗 الماية و الملح بيزيلوا الطاقات السلبية ..و تختم بالوضوء و انت بتتوضأ احسن الوضوء و دلك كل مسارات الطاقة لذلك ضروري اسباغ الوضوء .. و ماينطق عن الهوى اللي بعده 🤗 هتصلي ركعتين و كل ركعة هتطيل السجود قدر الامكان ..السجود عملية تفريغ لكل الطاقات السلبية نكمل 😁 هتستغفر .. بس استغفار على حق بقا ..بمعنى تفتكر حاجة عملتها مش و لابد كده و لا كده و تستشعر الندم و الخجل من رب العالمين و تطلب عفوه و مغفرته ..وانا بحب دعاء سيد الاستغفار و دعاء زي النون له مفعول السحر ..ماقلته في مرة بصدق و مشاعر الاعتراف بالذنب الا وربي فرجها علي لسه زعلان شوية 😏 هتنزل تتمشى في الطبيعة او تطلع عالسطح و تتأمل السما و حاول تمشي في الشوارع الكبيرة عشان مواسير الماية اللي بتمر من تحتك و سريان الماية بياخد الطاقة السلبية رجعت من بره و نفس الحالة ملازماك ..يبقا فيه طاقة سلبية معششة في البيت .. حاول تنضفه و تخلي ريحته حلوة و تشغل قرآن و تردد معاه بصوت عالي عشان الترددات تنضف البيت و تشغل موسيقى بترددات معينه و انت بتشتغل في البيت او على الاقل تنضف اوضتك مفيش بقا فايدة و مخنوق يبقا تعيط .. عيط .. صرخ .. عادي بس متسوقشي فيها هما ربع ساعة بكتير و كفاية و لو راجل شوف ماتش او فيلم رعب و لو بنت قومي شوفي مسلسل او اقري رواية و عيشي مع الابطال ..او العبي مع اطفال بس العبي بزمة و ضمير و انسي عمرك و سنك كمان من الوقت للتاني اترمي في حضن امك او ابوك ..ولو مش ممكن يبقا تحتضن نفسك و تطبطب عليها ..علميا نفس التأثير ..وخليك حنين عليها في وقت وجعها و أرأف بيها ديه نفسك اكتر حد عايش معاك و طايقاك و مستحملاك و مش بتنطق فلما تزعل او تاخد على خاطرها تراضيها ولو بسلامتك 😁فضلت زعلان و مخنوق و عملت الحاجات ديه و مبقتشي كويس يبقا تاخد بعضك و تروح لدكتور نفسي .. و ارمي حمولك على ربنا .. لينا خالق عظيم ..يدبر الامر كيفما يشاء