جبر الخواطر

 فضلت اتعلم و انا مستخبية 

اذاكر و محدش شايفني 

ادرس كنت  بسمع و بس 

مشاركاتي قليلة .. 

دوراتي كورساتي دراساتي شهاداتي كلها ان لاين 

المتاح عملته ..

.و اللي عرفت اخده بظروفي اخدته 

خلقت البدايل و موقفتش .

دورات مجانية و دخلت فيها 

ورش عمل احضرو اشارك  بس ان لاين 

شراهة في القراءة محصلتشي و كأني بدور على حاجة او كنت بتعد للي بيحصلي دلوقتي  .. 

كورساتي المدفوعة أخدتها بالمتاح و اللي املكه 

شغفي مش بيموت و مش بنساه ممكن يتعطل ..ممكن الكون بيعد نفسه و بيتشكل عشاني  مش قلقانه خد وقتك .ربنا عايزني اظهر في احسن صورة و اشرف نفسي قدام نفسي 

 كنت عايزة ادخل مجال الاعلام لكن يمكن يكون صعب من حد خجول جدا  يقطن احدى محافظات مصر و احدى قراها  ..لكن ايه اللي يمنع ان يكون البديل قناة يوتيوب على قدي اوصل صوتي و استغل القدرات اللي وضعها ربنا فيا عشان أادي رسالتي منها صدقي في المساعدة و اني المس قلوبكم اطبطب عليها في وقت تكون الدنيا ضلمت او حاسين انكم لوحدكم ..

  و شذىاوريكوا.. اهوه انا كنت شخص هيكتب اسمه في صفحة الحوادث و الوفيات معا و بإيده .

و بقا اسمي بيتكتب  في الاعلام كضيفة في برامج تلفزيون ..اوبيتكتب في  حضور راقي لأساتذه كنت بتابعهم و اقول هو انا ازاي هقابل دول و اتعلم منهم و اخد  شهادة من علمهم و بإسمهم 

 .وتحصل و سبحانه كل الظروف كانت بتسلم لبعضها وبيساعدوا بعض  كأن سندريلا ظهرتلها الساحرة عشان تخليها تروح الحفلة 🤗.  

. عايزة اقولكم على حاجةمهمه.. متسصغروش البدايات والله لو مسكة قلم في ورقة تقول فيها انا هبقا كذا  هي نقطة انطلاق و اقوى بداية

وحاجة برضه مهمة .. الشهادات اللي انتوا شايفينها هي مجرد اثباتات ورقية للحضور و الحصول ..و استعنت بيها بس عشان اعرفكوا اني بس بكتب اسمي كبداية لشهادات اعلى ..و برضه مش كفاية و لا كفيلةو لا ليها قيمة ولا تخليني ادخل قلوبكم و تسمعوني بمعلومة او بإفادة .. ايه اللي خلاني ادخل قلوبكم هو .. الشغف اللي جوايا و حبي للمعلومة و نقلها و خصوصا لما اكون طبقتها وفادتني اقوى  من أقوى شهادة في  العالم  .. 

صدقوني و مش كلام تنمية و مش مبالغة و مش وهم 

لو نويتوا و شغلتوا عقولكم ووثقتوا في ربكم و طورتوا من نفسكم و هو ده السعي . هتتفتح ابواب متعرفوش ازاي و لا منين و لا اشمعنى ده .

. خيالكم ببلاش شغلوه و اشتغلوا عليه و بيه 

.. وربي و اللي خلقني و خلقكم هتجيلكم و هتحققوا  احلامكم و هفكرك و هتفكروني 

اه نسيت اقولكم حاجة مهمة اوي .. ان الشهادة اللي مايعرفشي حد ياخدها و لو يملك الملاييين ولو درس تحت ايد اينشتاين ذات نفسه .. هي حبكم ليا  و عشان كده دمتم تحبوني و احبكم و دمتم في كل حب